O alumnado do Cole de Cea creou poemas de seu: unhas veces tomando como molde as estruturas de textos coñecidos (unha forma doada de comezar os pereiriños no mundo lírico) e outras partindo de cero.
As súas obras fican expostas no corredor próximo á biblioteca. Para apreciardes mellor algunhas das pezas, tendes máis abaixo varias imaxes (non de todos os traballos, porque a participación foi moita).
Antonte, 20 de marzo, contamos coa formación para a radio impartida por Sergio Pascual.
Logo dunhas dinámicas de grupo para romper o xeo e mais para aprender a importancia da respiración diafragmática, da escoita activa e do silencio, da sincronización e do traballo en equipo, imprescindíbeis na radio; o alumnado conseguiu elaborar un podcast con música, entrevistas (á profe Mercedes e o profe Pablo) e mesmo pequenas historias inventadas sobre eles.
O próximo luns, o alumnado inscrito participará na xornada de formación de radio na sala B da biblioteca, polo que as actividades rutineiras dos luns nesas horas, realizaranse na sala A.
%20(297%20%C3%97%20420mm)%20(1).png)
Na Semana da Prensa e no 8M realizamos diversas actividades que a seguir expoñemos.
Parte do alumnado asistiu na biblioteca á proxeción do filme "Os fenómenos", peza que combina humor e drama para afondar no problema da desigualdade de xénero, ao tempo que visibiliza moitos outros conflitos: a burbulla inmobiliaria, a especulación urbanística, a precariedade laboral, a economía somerxida, a xubilación forzada, a paternidade irresponsábel, a familia, o amor tóxico etc.
Como a nosa Rosalía merece máis dun día, no Cole de Cea levamos traballando con ela todo o mes: creando chapas, facendo pasatempos, pintando pétalos cos seus versos para compor un gran cartel, traballando nun crebacabezas colaborativo, escoitando os seus poemas durante o timbre musical... E como colofón, asisitindo a un concerto de Sergio Tannus e Marta Bravo organizado polo EDL. E esta tarde, na hora de ler, recitaremos algúns dos seus textos.
As familias son unha boa fonte de información para o noso alumnado, que acolle con interese e diversión as súas exposicións. Neste caso, o avó de Amaya e Jorge veu visitarnos o 3 de febreiro para compartir coa cativada o seu coñecemento sobre un elemento do noso acervo cultural: os cabaceiros.
Pola Candeloria, o alumnado do Cole de Cea creou unha paxarada chea de refráns e versos de amor...
,%20que%20na%20s%C3%BAa%20extensa%20carreira%20profesional%20destacou%20por%20ser%20un%20referente%20no%20neoexpresionismo,%20polo%20p.png)
`
Unha pequena mostra dos marabillosos libros ilustrados
que atoparás na biblioteca...
Se estás en Educación Primaria, escolle a túa tarxeta da biblioteca e engádelle un texto de bos desexos dunhas 20 palabras inspirado na ilustración. Tes variedade de modelos para escolleres.
Sen tempo non foi, pero aquí tendes as creacións gañadoras dos concursos de Samaín organizados polo EDL en colaboración coa biblioteca.
EI: debuxo
O vindeiro venres é o Día Internacional da Eliminación da Violencia contra a Muller. No seguinte vídeo explícannos por que o 25N e non outro día calquera...
.png)
Os días 27 e 28 de outubro, co gallo da celebración do Samaín, o alumnado de 1º ESO leu dramatizadamente un conto de "medo" aos máis pequenos do cole, dentro do proxecto Conto Contigo e baixo a dirección da profe Ana.
O libro escollido foi "¡Como me mola tu escoba!", escrito por Julia Donaldson e ilustrado por Axel Scheffler. Trátase dunha obra moi famosa, premiada en varias ocasións, traducida a moitísimos idiomas e mesmo adaptada ao cinema.
O libro narra as aventuras dunha simpática bruxa que vai perdendo cousas mentres voa, pero que as recupera a medida que vai gañando amigos. Unha historia rimada, divertida e, sobre todo, chea de valores, coa que grandes e pequenos o pasaron "de medo" nun día tan sinalado.
.png)
%20(1).png)
Co gallo do seu día grande, 17 de Outubro este ano (todas as xornadas lles pertencen), amosamos unha pequena mostra do traballo dalgunhas das autoras que habitan as nosas salas no corredor que conduce á biblioteca.
A que campan ben?
Dentro das actividades da biblioteca "Ramón Caride" do inicio do curso, destacamos hoxe as relacionadas coa formación das persoas usuarias.
A profe Mercedes encargouse de impartir as xornadas formativas para o alumnado de EP, curso por curso.
.png)