martes, 31 de maio de 2022

Videopoema de 3º ESO

Co esquema estrutural de Longa noite de pedra, o alumnado de 3º ESO inventou os seus propios textos. Algúns eran tristes, outros ledos. Graváronse recitando, engadíronlles unhas imaxes aos audios, unha musiquiña e... velaí tendes un videopoema ben xeitoso. E todo cun móbil. A tecnoloxía, ben empregada, dá moito xogo.

,

Ben feito, rapazas!

luns, 23 de maio de 2022

Dicímoscho nós

O alumnado de 6º EP non para! Desde a biblioteca escolar creou unha serie de vídeos para que non nos despistemos con algunhas palabriñas. Grazas aos dicionarios, desbotan as interferencias lingüísticas e así nolo fan saber. Para que non nos confundamos. 

Aí vos vai a primeira serie. Atendede!

Bravísim@s!

martes, 10 de maio de 2022

Como facer un maio pequeniño

Como o prometido é débeda, aquí tendes o vídeo instrutivo no que alumnado de 3º ESO amosa como construír un pequeno maio a partir de material de refugallo e uns feixiños de vexetación. Unha boa forma de gozarmos dun maio miúdo dentro da casa, para festexar a entrada da primavera e celebrar a fertilidade.

Esta tarefa foi realizada para a clase de Lingua e literatura castelás coa profe Ana.


Moi bo traballo, rapazas!




venres, 6 de maio de 2022

Vai chegando o maio

Vaise achegando o VI Serán do Cole de Cea e con el, o festexo das nosas letras. Entre tanto, o alumnado de 3º ESO, coa profe Ana, artellou un maio pequeniño na biblioteca, adianto do que se erguerá o día 16 coa colaboración de todo o cole.

Presentámosvolo aquí, ben acompañado dun poema de Florencio Delgado Gurriarán. Proximamente teredes ao voso dispor o vídeo titorial co proceso de construción deste maio tan feituco.

Graciñas, profe Ana e 3º ESO!


Curros a fume de carozo

En 2 minutiños de nada, Martín fainos unha síntese da vida e a obra de Manuel Curros Enríquez.