Florencio Delgado Gurriarán

O alumnado de 4º ESO participou na Semana Escolar das Letras Galegas organizada pola Deputación de Ourense. 

Recibiron cadanseu libro "Florencio Delgado Gurriarán fronte á exaltación da natureza", de Perozo, que leron e analizaron na clase. Sintetizaron a información nun cartel que completou o podcast que gravaran nun traballo previo.

Florencio Delgado Gurriarán

Vai chegando o maio

Vaise achegando o VI Serán do Cole de Cea e con el, o festexo das nosas letras. Entre tanto, o alumnado de 3º ESO, coa profe Ana, artellou un maio pequeniño na biblioteca, adianto do que se erguerá o día 16 coa colaboración de todo o cole.

Presentámosvolo aquí, ben acompañado dun poema de Florencio Delgado Gurriarán. Proximamente teredes ao voso dispor o vídeo titorial co proceso de construción deste maio tan feituco.

Graciñas, profe Ana e 3º ESO!

Curso 2020-21 na Biblioteca Ramón Caride

 En Outubro encomezaremos empregar a Bblioteca Ramón Caride, con algunhas modificacións en canto a espazos, procedementos de uso e modalidades de empréstito. Este será un curso excepcionalmente atípico, porén, trataremos de seguir espallando a lectura e o devezo polos libros no noso alumnado como alternativa de ocio e fonte inesgotable de saber. 

#BibliotecaRamonCaride #besgalAbertas

7ª entrega do #ContoContigo dende a casa 🏠 “A avoa Encarna fai niño? por Patricia Muñoz

Coñecedes o conto de A avoa Encarna fai niño?

 Pois a profe Patricia Muñoz váivolo contar nesta 7ª entrega do #ContoContigo.
Está escrito por Xosé A. Neira Cruz e ilustrado por Noemí López.

#ContoContigo: “O arco da vella” 🌈 e “O meu barco” 🚢

Na semana das Letras Yago e Anxo recitan ao poeta da Terra Chá Manuel María, moi vencellado tamén coa nosa comarca. 
A 6ª entrega do #ContoContigo: “O arco da vella” 🌈 e “O meu barco” 🚢

#ContoContigo dende a casa (3ª entrega)

 3ª entrega do #ContoContigo desde a casa e vén da man Fátima Novoa Datorre co poema "Parece unha rosa" de Rosalía de Castro, ilustrado por Isabel Pintado.🌹Agardamos que vos guste. Moitas grazas Fátima!

#ContoContigo "Parece unha rosa"

#ContoContigo dende a casa. A profe Conchi conta "Adivina cuánto te quiero"

Dende a agora virtual #BibliotecaRamonCaride do Cole de Cea, a nosa querida profe Conchi cóntanos o conto "Adivina cuánto te quiero" dentro do proxecto #ContoContigo dende a casa. #aculturasegue #bibliotecasescolares

Velaquí o enlace:

#ContoContigo "Adivina cuánto te quiero" pola profe Conchi