luns, 21 de novembro de 2022

Preparando o 25N

O vindeiro venres é o Día Internacional da Eliminación da Violencia contra a Muller. No seguinte vídeo explícannos por que o 25N e non outro día calquera...



Marina Marroquí, supervivente da violencia de xénero, explícanos o ciclo da violencia de xénero; e como, o maltrato físico representa o fracaso do propio sistema de violencia contra a muller que, case nunca, precisa de chegar a ese extremo para cumprirse.


Se chegaches ata aquí, xa sabes máis sobre a violencia contra as mulleres e as súas múltiplas caras. E aquí vai a proposta da biblioteca "Ramón Caride" para esta semana: redacta un microtexto (se pode ser orixinal, mellor; se non, podes reproducir algunha cita relacionada co tema) e tráenolo á biblioteca para escribírelo, co nome da persoa autora, nunha tarxeta que che proporcionaremos. Estas tarxetas serán expostas o 25N. Na imaxe inferior tendes un exemplo.


Para a cativada máis pequerrecha, este luns e o martes pola tarde, a ANPA traerá á biblioteca contacontos relacionados co tema.


E este venres, na sala B, proxectaremos o filme "Te doy mis ojos", de Icíar Bollaín, para o alumnado de 3º e 4º ESO.

Ningún comentario:

Publicar un comentario

21 de Marzo. Día da Poesía, a Árbore e a Auga

O pasado xoves celebramos o Día da Poesía, a Árbore e a Auga nun espazo que mestura harmoniosamente a natureza e a arte: a Insua dos Poetas ...