Últimas adquisicións

Velaí vai un minivídeo coas últimas adquisicións da biblio do Cole de Cea. Botádelle un ollo (e dúas orellas ao ritmo balcánico do grupo Csókolom).

 

O cachiño de MB

Aí vai o primeiro cachiño escollido por unha das nosas lectoras: un fragmento da novela Los testamentos, de Margaret Atwood, que podes solicitar na biblioteca do cole.

Comparte o teu cachiño por correo-e

Sexas estudante, profe ou persoal non docente, comparte o teu cachiño especial dun libro. Toma nota do enderezo-e da túa biblioteca.

Veu o Apalpador cargadiño de libros, rapazada!

Temos correo!

Esta mañá recibimos un agasallo inesperado: unha postal de María García Vázquez, alumna de 5º de EP do cole de Xuvencos. Se queredes vela, picade no vídeo.

Comparte o teu cachiño

Isto non é un concurso nin unha competición. Aquí non hai premios materiais. Trátase de compartires o teu anaco favorito dunha obra literaria coas persoas do cole. Sexas profe, estudante ou membro do persoal non docente, queremos saber que te emociona.

Últimas adquisicións

"La puñalada" de Pardo Bazán na voz da mocidade

Parte do alumnado de 4º ESO realizou unha lectura dramatizada do relato da escritora co gallo do 25N, que podes escoitar aquí. 

25N poemando con Celso Emilio Ferreiro

No ronsel do poema Longa noite de pedra, de Celso Emilio Ferreiro, unha parte do alumnado construíu os seus textos contra a violencia de xénero. Magnífico traballo, rapazada!

Mes da ciencia en galego

Achégate á biblioteca para afondar nalgunha ciencia do teu interese. Hai onde escoller...

Quen dixo medo?

A Biblioteca comeza a tomar vida.

 Xa temos ao noso pequeno lectorado empregando as instalacións da Biblioteca Ramón Caride. Andan procurando libros para levar a casa en empréstito e mergullarse na lectura no tempo de lecer. Porén, como non hai tempo que perder, calquera intre é axeitado para deixarse acompañar pola maxia dun bo libro. 

Felices lecturas!

Benvidos, ósos!

Hoxe chegounos unha sorpresa á biblioteca, da man de Breogán Reboredo Guntín, alumno de 6º de EP: unhas vértebras de golfiño.

Como están a estudar os ósos coa mestra Mercedes, o rapaz quixo compartir coa clase un fragmento do espiñazo dun cetáceo atopado na illa de Sálvora, onde traballa súa nai, María Rosa.

Velaquí o tendes, suxeitando o fragmento do esqueleto do delfín. Aínda que vexades o mociño ensanguentado, non pensedes que foi o causante da morte do mamífero acuático; non tal. Évos que hoxe cadrou a pseudofesta previa ao Samaín do cole e por iso campaba un chisco tétrico baixo a perruca de trenzas.

Habemos buscarlle a este agasallo un acubillo de xeito na biblioteca, para que quen quixer poida contemplar de preto este anaco verdadeiro de columna vertebral recollido no noso litoral (houbo quen, ao velo, pensou que formaba parte da entroidada do día, pero non).

Graciñas, Breogán!

Apertura da nosa biblioteca

 

Recomendacións lectoras para o tempo do estío.

Velaquí as notas recomendaciones lectoras para as vacacións do verán. 

Un libro siempre ten un oco na maleta. 

 

Viaxe Literaria Solidaria : troco de libros por alimentos.

 Dentro do noso proxecto Xeografías lectoras: "Da Antártida a Vietnam" recorremos quilómetros de solidaridade recompilando quilos de alimentos donados polo noso alumnado e profesorado. Trocamos alimentos por libros descatalogados da nosa biblioteca Ramón Caride e da Biblioteca Pública de Ourense. Donamos os alimentos recaudados á Cruz Vermella. 

 

 

Viaxe Literaria Solidaria

A Biblioteca Ramón Caride e o Cole de Cea, en colaboración coa Biblioteca Pública de Ourense NÓS e a Cruz Vermella do Carballiño poñen en marcha un proxecto de intercambio de libros por alimentos non perecedoiros. 🥨🔁 Darémoslle unha segunda ou terceira vida aos libros da nosa biblio a cambio dun quilo de arroz, dun quilo de pasta, dun paquete de conservas ou outros alimentos non perecedoiros que teñamos na casa. Preferentemente doazón de alimentos destinados á infancia (sobre todo almorzos e merendas): leite enteiro, bolachas, potitos, leite en pó, froita en almibre, chocolate, etc. 🔁 É o momento de ser solidarios con aqueles que precisan da nosa axuda. Doando os teus alimentos non só levas un libro para a casa senón tamén colaboras con aquelas persoas e familias que máis o precisan. 🥖🔁  Para facilitar a organización estes son os días asignados para que traiades os vosos alimentos: Luns 10 ➡️ 2º e 3º ESO Martes 11 ➡️ 1º e 4º ESO Mércores 12 ➡️ 1º, 2º, 3º e 4º Primaria Xoves 13 ➡️ 5º e 6º Primaria e 4º, 5º e 6º Infantil

CREAcción no Día do Libro 2021 " Haikus e Caligramas" no Cole de Cea

Velaquí vai a primeira entrega da nosa actividade de CREAcción polo Día Do Libro: Haikus e Caligramas compostos e debuxados polo noso alumnado.

Estes son só algún dos exemplos tedes máis creacións do noso alumnado nesta ligazón:

 

Creacción do Día do Libro: Haikus e Caligramas

https://photos.google.com/share/AF1QipMcTUilCSqnIrnYQ491Vc2Th9Wv_N20sgASnJUlxEyn6YmCYytfzOOQ7CimFKvFow?key=RXFOdk0xQ0w0NFhhQ3I5UmRHb1BZWVotV244cFBn

Día do Libro 2021 na BIblioteca Ramón Caride- Presentación do Pasaporte Lector

Dende a Biblioteca Ramón Caride do Cole de Cea, botamos a andar unha nova actividade dentro do noso proxecto titulado “Xeografías lectoras: Da Antártida a Vietnam”.

Esta actividade nomease “Pasaporte Lector” e servirá para testemuñar as lecturas que cada alumno ou alumna leve a cabo con libros da nosa Biblioteca Escolar ou da Biblioteca de Aula.

Os pasaportes teñen cadros
para completar cuns selos temáticos que recollen diferentes monumentos encadrados no Camiño de Santiago (Vía da Prata). Por cada lectura que completes obterás un selo. Reúne un número de selos e obterás un agasallo.

1. Faite co teu pasaporte.

2. Completa os teus datos persoais (Nome e apelidos, tamén o número de pasaporte que se corresponderá co teu nomero de socio/a da biblioteca).

3. Consegue exemplares de selos a cambio dunha lectura realizada.

4. Completa o número de lecturas mínimo que conveñades na vosa aula coa titora ou titor.

5. Faite cun agasallo de premio pola túa fidelidade lectora. 

     

    

    

   

   
   

    

FELICES LECTURAS...

Mes da poesía . Certame de Haikus e Caligramas no cole de Cea.

 Para conmemorar o mes de Marzo como o #mesdapoesía e celebrar a chegada da primavera, convocamos dende a Biblioteca Ramón Caride do Cole De Cea, un certame de Haikus e Caligramas. 

A onde viaxache cun libro?

 A ONDE VIAXACHE CUN LIBRO?

Este ano o lema das Bibliotecas Escolares de Galicia propóñennos o lema de “Xeografías Lectoras”co que se pretende establecer as bibliotecas escolares como fonte de información e dinamización no afondamento e coñecemento doutros países e culturas. Procurarase así poñer o foco nas posibilidades que ofrece a biblioteca escolar para a construción da persoa lectora a través das distintas actividades que programa e dos recursos que pon a disposición da comunidade educativa. 

Tendo en conta o contexto de incerteza no que vivimos mergullad@s actualmente, propuxemos viaxar a través das páxinas dos libros e procurar lecturas que nos transportasen imaxinariamente a outras latitudes físicas. Así naceu o nosos proxecto #DaAantártidaaVietnam noemado así coma unha homenaxe a Ramón Caride e a Graham Greene dous autores vencellados coa nosa contorna que levaron a súa obra a senllleiros e alongados territorios. 

Esta actividade recibiu o nome de "A onde viaxache cun libro?" parte do noso alumnado contounos a onde viaxou a través das páxinas dos libros. 

Velaquí os videos e feliz viaxe! 

"Nube Branca quere ser astronauta"

"O misterio dos fillos de Lúa"

"Bienvenidos a Ciudad Axle"

"Karina e Marina"

"O xastriño Valente"

"Dinosaurios"

"Colmillo Blanco"

"Nube Branca e o pingüín Valentín"

"Princesa Disney"

"El conde de Montecristo"

"Pétala"

"Ricitos de oro"

                                                           

"Robinson Crusoe"

"Los siete cabritillos"

"Un rato na casa"

"Vinte mil leguas baixo dos mares"

"Las aventuras de Tom Sawyer"

"Bruxa e familia"

"Misterio en el acantilado"

"As aventuras do Apalpador"

Celebramos o día de Rosalía

 Celebramos o día de Rosalía traballando con bibliografía escolleita na nosa biblioteca 📚 onde representamos de éxito gráfico a importancia de Rosalía De Castro para as nosas letras e cultura.

Amais do concerto realizado por Sergio Tannus e Marta Bravo onde se interpretaron varias pezas do libro-disco “Rosalía Pequeniña”, o alumnado levou a cabo lecturas reflexivas de parte da obra da autora. Os grupos de educación infantil confeccionaron máscaras con faciana de Rosalía para conmemorar tan senlleira data.

"Da Antártida a Vietnam. Xeografías lectoras na BIblioteca Ramón Caride"

Tomando como punto de partida o lema das Bibliotecas Escolares "Xeografías Lectoras" temos pensado desenvolver o proxecto de dinamización da lectura "Da Antártida a Vietnam. Xeografías Lectoras na biblioteca Ramón Caride".

Como primeira actividade propoñemos "A onde viaxache cun libro?. Pode participar toda a comunidade educativa facendo unha recensión ou breve comentario sobre un libro ambientado noutra latitude xeográfica diferente á que se atopa o lector ou lectoia. As bases están recollidas nestas imaxes que adxunto e que podedes partillar co alumnado das vosas titorías para darlle diufusión.

Animádevos a participar.

Unha aperta. 

Radio Roxar- Día Mundial da Radio 2021

 Sábado de #Entroido foi tamén o #DíaMundialdaRadio.

Estreamos un novo programa da #RadioRoxar co alumnado de 2º de ESO.

Nel falamos moito de bosques, facéndonos eco do artigo publicado na revista Nature que ofrece datos alarmantes sobre o estado das masas forestais galegas.

Escoitamos moita música:

Margarida Mariño - Cellist

,

Abe Rábade

e

Davide Salvado

, Bebe,

Os Amigos dos Músicos

, O Himno da Vida...

E reseñamos a curta "Sálvora" de Rita Dosil e o conto "O home que prantaba árbores" do autor francés Jean Giono.

Radio Roxar-Día Mundial da Raio 2021

Concerto didáctico polo #DíadeRosalía

 Os centros da comarca do Carballiño organizamos concerto didáctico virtual do #SérgioTannuscon Marta Bravo polo #DíadeRosalía.

Co Sérgio Tannus, Marta Repenica, CPI Antonio Faílde de Cambeo,

CEIP Xuvencos Boborás

, CEIP Virxe da Pena da Sela do Irixo, CEIP Plurilingüe Calvo Sotelo,

Biblioteca Ramón Caride

, EDL do

Cole de Cea

e a colaboración d'

A Arca da Noe

.