Dende as montañas do Courel chegou o Apalpador á biblioteca do cole, onde pasaron os nenos e nenas de Infantil e Primaria para coñecelo e contarlle os seus desexos.
A visita estivo moi ligada ao noso proxecto “Amamos os nosos bosques!”, lembrándonos a importancia de coidar a natureza e deixándonos unha mensaxe clara: querer os bosques é querernos a nós 💚
O xoves pasado visitounos o programa de radio Fala que Fala. Pasámolo xenial con xogos, entrevistas e moita participación do alumnado.
Unha experiencia moi positiva para a dinamización do galego.
Encantadas de participar!
Doa 1 kg de alimentos non perecedoiros e leva un libro da biblioteca. Pequenos xestos, grandes cambios. 💛
Hoxe, 3 DE DECEMBRO, o alumnado de Infantil e Primaria pasou pola biblioteca para visibilizar o Día das Múltiples Capacidades.
Primeiro, escoitamos o conto “Por 4 esquinitas de nada”, que nos fixo entender que o importantenon é encaixar, senón adaptar o mundo para que todas as persoas poidan participar.
Entre todos e todas fixemos tamén unha exposición de bolboretas, cada unha destacando unha
capacidade diferente. Un xeito visual e sinxelo de lembrar que todos temos algo que achegar.
Para completar a actividade, preparamos unha exposición de libros relacionados co tema,
dispoñibles para quen queira seguir investigando e aprendendo.
Unha xornada para mirar a diversidade con naturalidade e respecto.
No 25N non celebramos nada. É un día para lembrar que aínda queda moito por facer na loita contra a violencia de xénero. Na nosa biblioteca escolar falamos co alumnado a partir de 2º de Primaria sobre a exposición que temos esta semana: unha pequena mostra de mulleres asasinadas só en Galicia, unha realidade dura que non podemos ignorar.
Despois, reflexionamos e debatemos a través de preguntas sobre por que seguen ocurrendo estas
situacións e que podemos facer entre todas e todos para cambialas.
Para pechar a actividade, cantamos xuntas "A Porta Violeta" de Tanxugueiras e Rozalén, un himno que
nos lembra que sempre hai un camiño cara á liberdade e ao respecto.
.jpeg)
.jpeg)
.jpeg)
Queremos dar as grazas a Vanessa, mamá de Alexandra (6ª EI) e Gael (5ªEI), polo seu fermoso agasallo: unhas pantasmas feitas por ela mesma que encheron de misterio a nosa biblioteca.
Pasámolo xenial!!
Grazas, familias, por poñer tanto cariño, creatividade e humor nas vosas cabazas lectoras.
Tivemos de todo: cabazas con lentes, cabazas con medo, cabazas que semellan saídas dun conto... e mesmo algunha que merecería un contrato editorial!
Noraboa a todos e todas!
Mañá, 24 de outubro, celebramos o Día das Bibliotecas, esta data escolleuse en lembranza da destrución da Biblioteca Nacional de Sarajevo en 1992, un recordatorio de que os libros e a cultura son tesouros que debemos protexer.
Para festexalo, poñemos en marcha as nosas mochilas viaxeiras!
O Samaín xa está aquí e a biblioteca énchese de misterio! Preparamos unha selección de lecturas arrepiantes con novas adquisicións e tamén cos nosos clásicos máis terroríficos.
Atréveste a levalos en préstamo?!
Outubro chegou e trae consigo libros, cabazas e moita diversión! 🎃
No cole de Cea imos celebrar a Exposición de Cabazas Lectoras, onde os vosos personaxes favoritos cobrarán vida de xeito creativo. Podedes decorar a vosa cabaza inspirándovos nun libro, unha historia ou un personaxe que vos guste.
Lembrade: as cabazas non se poden baleirar e deben vir acompañadas dunha ficha co título, o autor/a e unha frase que explique a relación co libro.
Preparade pinceis, cores e moita ilusión, e sorprendédenos coas vosas creacións!
Este mes temos unha pasaxeira moi especial no colexio: a maleta viaxeira da Rede de Bibliotecas Escolares de Galicia! Vén cargadiña de álbums de banda deseñada que farán parada en todas as clases de Primaria. Cada aula terá uns días para explorar as súas aventuras e deixarse levar polo mundo do cómic.
Moitas grazas por este recurso que enriquece o noso proxecto lector!
Temos expositor novo na biblioteca! Libros expurgados que podes levar para casa sen necesidade de devolución. Dalles unha segunda vida!
.jpeg)
A nosa biblioteca xa está en marcha! O pasado venres 12, ao longo de toda a xornada escolar, o alumnado de 1º a 6º de Primaria participou nunha formación especial para converterse en usuarios e usuarias da biblio. Recordamos as normas básicas, descubrimos as diferentes seccións e aprendemos como realizar un préstamo correctamente. Un primeiro paso para encher este espazo de lecturas, aprendizaxes e moita ilusión!
Velaí vai unha presa de refráns recollidos por Saleta entre os seus maiores. Algún non moi politicamente correcto, por certo.
Unha lección de xeografía, microtoponimia, onomástica, historia, lexicoloxía... e con remate de reivindicación feminista.
Esta lenda é un compendio de saberes populares de toda caste: o poder salutífero das augas, a potencia do número 9, o paganismo cristianizado por obra e graza dun bispo, a crenza na posibilidade de despistar un mal mudando o camiño de volta a casa e a cura mediante palabras en trabalinguas. Alguén dá máis con menos?
Segunda entrega en audio do proxecto "Cántame e cóntame, avoa". Desta volta tocoulle a Martín recoller as lembranzas dunha tarefa agrícola compartida na aldea: a malla.
Dentro do proxecto "Cántame e cóntame, avoa", proposto polo EDLG, o alumnado do Cole de Cea recolleu lendas da zona e refráns entre a veciñanza e a familia. Os de EP escolleron o papel como soporte; na ESO optouse pola voz en audio.
Esta é a primeira mostra do traballo que subimos ao blog, unha recollida de Iria Fernández Fernández.
Coas ilustracións creadas por todos os grupos-clase do cole, o equipo da biblioteca editou este vídeo que resume o 1º lance da peza dramática de Castelao.
Non esquezades achegarvos á biblioteca para levar algún libro para este verán. No vídeo só aparecen algúns de entre os máis de 11000 entre os que podedes escoller.
Quedáranos atrás algunha entrada para o blog relativa á formación de radio, así que reunimos nesta de hoxe varias imaxes dos obradoiros relacionados co uso da voz e a palabra que tiveron lugar na biblioteca "Ramón Caride" ao longo deste curso.
.jpg)
A actriz Cris Collazo impartiu unha clase de teatro radiofónico dirixida a alumnado de 3º e 4º de EP. Traballaron a voz, a linguaxe corporal, a superación do medo escénico e mesmo crearon unha peciña humorística propia.
.jpg)
Pancho Álvarez visitounos no tramo final do curso para completar a formación co mesmo alumnado (3º e 4º de EP) na creación de guións radiofónicos que acompañou coa música dos seus instrumentos (lira, guitarra, violín...). A rapazada tamén practicou a composición de cancións e a regueifa.
Esta mañá, a biblioteca Ramón Caride recibe o músico Pancho Álvarez para unha xornada de formación de radio dirixida a alumnado de 3º e 4º EP, promovida dende o EDLG e a biblioteca, na súa colaboración con Ponte... nas Ondas!!!
Un ano máis, difundimos os episodios creados polo alumnado de Cultura Clásica durante o curso: unha forma amena de viaxar a un pasado que nos marcou: a civilización grecorromana.
O interese de Castelao polos cruceiros e outros testemuños de devoción cristiá quedou patente nos seus álbums. Nesta "cousa", a ollada orixinal do autor aparece unha vez máis, na procura dunha explicación para o cativo tamaño dos cristos nos colos das nais.
Achegamos unha nova entrega dunha "cousa" na que Castelao parte dunha experiencia autobiográfica para amosarnos a súa inquedanza pola saúde mental, relacionándoa neste caso coa incomprensión social disfrazada de superstición para rexeitar unha muller polo pecado de ser nai solteira.
O alumnado de Educación Infantil contará o próximo venres coa achega dunha nai enfermeira que explicará conceptos interesantes de forma sinxela para afondar no coidado persoal desde o coñecemento.
Como cada ano, a biblioteca "Ramón Caride" colabora co Serán organizado polo EDLG do Cole de Cea.
Nesta ocasión, alén do tradicional posto de libros procedentes do expurgo, a biblioteca emprestou exemplares para completar a exposición de instrumentos das cantareiras.
.png)
.png)
.jpg)
Este ano, a Fundación Insua dos Poetas convou un certame literario para unirse ás celebracións do Ano Castelao. Nunha das súas categorías, habíase de escribir un microrrelato inspirado no estilo das pezas narrativas do rianxeiro. Algúns alumnos e alumnas de 4º ESO enviaron os seus contos e o día 7 de maio soubemos que unha das obras resultara premiada: "Xosé, un home de aldea", da autoría de Saleta.
Reproducimos a continuación o seu relato, que reflicte perfectamente o estilo das "cousas" de Castelao: escrita sinxela e tenra con certa dose de humor para abordar temas populares e de interese social.
%20(297%20x%20210%20mm).jpg)
Dende as montañas do Courel chegou o Apalpador á biblioteca do cole , onde pasaron os nenos e nenas de Infantil e Primaria para coñecelo ...
%20(297%20x%20210%20mm).jpg)
.png)
